حسن نصر اللہ نے مقاومتی محاذ کو ایک نئی جہت دی، علامہ امین شہیدی

اسلام آباد: امت واحدہ پاکستان کے سربراہ علامہ محمد امین شھیدی نے کہا ہے کہ شھید سید حسن نصراللہ عالم اسلام کے ماتھے کا جھومر اور امت اسلامیہ کے دلوں کی دھڑکن تھے۔ تعزیتی ریفرنس سے خطاب میں علامہ محمد امین شھیدی نےکہا کہ حسن نصراللہ نے مقاومتی محاذ کو ایک نئی جھت دی، شب و روز کی محنت سے خصوصاً عرب دنیا کے بیدار مغز مسلمانوں کو قدس کے محور پر متحد منظم اور مربوط کیا۔ انہوں نے کہا کہ حسن نصراللہ کی فطانت اور مجاہدانہ کوششوں نے فلسطین اور غزہ کے مظلوموں کو ایک نئی امنگ امید اور حوصلہ عطا کیا۔ حسن نصراللہ نے اپنی 32 سالہ قیادت میں یمن شام عراق لبنان، اور دیگر عرب ممالک کے مسلمانوں کو باور کرایا کہ اگر حزب اللہ اکیلے صیہونیوں کی نیندیں اڑاسکتی ہے تو سب مسلمان متحد ہوکر اسرائیل کو بہت کم وقت میں صفحہ ھستی سے مٹاسکتے ہیں۔