Raza Musani 
غزہ : حماس نے تین یرغمالیوں کی لاشیں اسرائیل کے حوالے کردیں۔ جبکہ اسرائیلی ڈرون حملے میں ایک فلسطینی شہید ہوگیا۔
اسرائیلی یرغمالیوں کی لاشیں غزہ سٹی میں ایک سرنگ سے ملی تھیں جنہیں ریڈ کراس کے ذریعے غزہ پہنچایا گیا۔ باقیات کا معائنہ تل ابیب کے ابو کبیر فرانزک انسٹیٹیوٹ میں کیا جائے گا اور شناختی عمل میں دو دن تک لگ سکتے ہیں۔
معاہدے کے مطابق اسرائیل کو اب ایک اسرائیلی کی لاش کے بدلے 15 فلسطینی قیدیوں کی لاشیں حوالے کرنا ہوں گی اور مجموعی طور پر 45 فلسطینی قیدیوں کی لاشیں واپس کی جائیںگی۔
دوسری جانب میں اسرائیلی فوج نے زرد لکیر عبور کرنے پر ایک اور فلسطینی کو شہید کردیا اسےالشجاعیہ میں اسرائیلی ڈرون حملے میں نشانہ بنایا گیا.
