یوم دفاع پر جنگ ستمبر کے غازیوں اور شہدا کو سلام

اسلام آباد: ملک بھر میں آج یوم دفاع ملی جوش و جذبے سے منایا جارہا ہے، دن کا آغاز وفاقی دارالحکومت اسلام آباد میں 31 اور صوبائی دارالحکومتوں میں 21, 21 توپوں کی سلامی سے ہوا، مزار قائد پر پاک فضائیہ کی جانب سے گارڈز کی تبدیلی کی تقریب ہوئی اور گارڈز کے فرائض ایئر فورس کے کیڈٹس نے سنبھال لیے، ائیروائس مارشل محمد قیصر جنجوعہ تقریب کے مہمان خصوصی تھے اور انہوں نے مزار قائد پر پھولوں کی چادر چڑھائی اور فاتحہ خوانی کی، نیول ہیڈ کوارٹرز اسلام آباد میں بھی خصوصی تقریب کا انعقاد کیا گیا، نیول چیف ایڈمرل محمد امجد خان نیازی تقریب کے مہمان خصوصی تھے،یاد گار شہدا پر نیول چیف ایڈمرل محمد امجد خان نیازی نے پھولوں کی چادر چڑھائی، پاک بحریہ کے چاک وچوبند دستے نے سلامی دی جبکہ نیول چیف نے شہدا کے اہلخانہ سے ملاقات کی،6ستمبر 1965ءکے شہداکی لازوال قربانیوں کو خراجِ عقیدت پیش کرنے کیلئےلاہور کینٹ میں یادگارِ شہداء پر پُروقار تقریب ہوئی،گیریژن کمانڈر نے آرمی چیف جنرل قمر جاوید باجوہ کی طرف سےپھول چڑھائے اورپاک فوج کے چاق و چوبند دستے نے سلامی پیش کی۔