Raza Musani 
تل ابیب: صیہونی حکومت نے بین الاقوامی تشویش جوتے کی نوک پر رکھتے ہوئے مقبوضہ علاقوں میں سات ہزار سے زائد نئے یونٹس تعمیر کرنے کی منظوری دیدی۔ اسرائیلی سپریم پلاننگ اینڈ بلڈنگ کونسل نے مقبوضہ مغربی کنارے میں 7287 رہائشی یونٹس تعمیر کرنے کی منظوری دی ہے یہ 2021 سے اب تک آباد کار یونٹوں کی سب سے بڑی تعداد ہے۔ 2022 میں 4427 اور 2021 میں 3645 یونٹس کی منظوری دی گئی تھی۔ یہ یونٹس معلے عدومیم، کوخاو یاکوف، گیوات زیوف، معائل آموس اور ایلیزر کے رہائشی کالونیوں میں تعمیر کئے جائیں گے۔ اسرائیلی وزیر خزانہ نے امریکی ردعمل کے بارے میں کہا کہ امریکا مذمت کے باوجود اسرائیلی فیصلوں کو سمجھتا ہے۔ دوستوں کے درمیان اختلاف رائے ہوتا ہے، لیکن آخر میں ہم وہی کرتے ہیں جو ہمارے لیے صحیح ہے۔ ہم مغربی کنارے میں منصوبہ بندی اور تعمیر جاری رکھیں گے۔
