گلگت بلتستان کونسل، پی ٹی آئی 3 ، ایم ڈبلیو ایم ، ن لیگ اور پی پی ایک ایک نشست پر کامیاب

گلگت : گلگت بلتستان کونسل کے انتخابات میں حکمران جماعت پاکستان تحریکِ انصاف نے 4 نشستیں جیت کر میدان مار لیا۔ کونسل کی 6 میں سے پی ٹی آئی اور اتحادی جماعت ایم ڈبلیو ایم کے امیدواروں کو 4 جبکہ مسلم لیگ نون اور پیپلز پارٹی کو ایک ایک نشست ملی۔ گلگت بلتستان اسمبلی کے 33 ممبران نے شو آف ہینڈ کے ذریعے انتخابی عمل میں حصہ لیا۔ پی ٹی آئی کے سید شبیہہ الحسنین، حشمت اللّٰہ خان اور عبدالرحمٰن جبکہ حکومتی اتحادی جماعت مجلس وحدت مسلمین کے احمد علی نے کامیابی حاصل کی۔ مسلم لیگ نون کے اقبال نصیر اور پیپلز پارٹی کے ایوب شاہ بھی انتخابات میں کامیاب قرار پائے۔ کونسل 15 ارکان پر مشتمل ہوتی ہے ۔ 6 ممبران سینٹ اور قومی اسمبلی سے لیے جائیں گے۔ کونسل کا چیئرمین وزیر اعظم پاکستان ہوتا ہے۔