غزہ :اسرائیل حالیہ اموات اور صورتحال کی خرابی کا ذمہ دار قرار

پیرس : فرانس اور یورپی یونین نے اسرائیل کو غزہ میں حالیہ اموات اور انسانی صورتحال کی خرابی کا ذمہ دار قرار دے دیا۔ فرانسیسی وزیر خارجہ نے غزہ کے مکینوں کو درپیش مشکل انسانی حالات کے حوالے سے اسرائیل کو تنقید کا نشانہ بنایا. ان کا کہنا ہےکہ غزہ کی پٹی تک انسانی امداد پہنچنے سے روکنے کا ذمہ دارکا اسرائیل ہے۔ انہوں نے نشاندہی کی کہ تباہ کن انسانی صورتحال ناقابلِ دفاع اور ناقابل معافی حالات کا باعث بنتی جار ہی ہے جس کی ذمہ داری اسرائیلیوں پر عائد ہوتی ہے۔ فرانسیسی وزیر کا کہنا تھا کہ غزہ کی پٹی کے جنوب میں رفح کے حوالے سے ایک ڈیڈ اینڈ ہے۔ ادھر یورپی یونین کے خارجہ امور کے سربراہ بوریل نے حصول خوراک کے لیے جمع فلسطینیوں کی اموات کا ذمہ دار اسرائیل و اسرائیلی انتہا پسندوں کو قرار دیتے ہوئے کہا یہ امداد غزہ تک پہنچنے سے روکتے ہیں اس لیے سانحے کے یہی ذمہ دار ہیں۔ انہوں نے اس سانحے کے حوالے سے باضاطہ تحقیقات کا مطالبہ کیا ہے۔ اسرائیلی فوجیوں کی طرف سے فائرنگ کا کوئی جواز نہیں تھا کہ فلسطینی شہری صرف خوراک حاصل کرنے کے لیے جمع تھے۔