Raza Musani 
نئی دہلی : ہندوستانی حکومت نے انڈیا کا نام تبدیل کر کے بھارت رکھنے کا فیصلہ کرلیا۔ ہندوستانی صدر مملکت دروپدی مرمو کی جانب سے جی 20 وفد کے لیے عشائیے کا جو دعوت نامہ جاری کیا گیا ہے اس میں پریذیڈنٹ آف انڈیا کے بجائے پریذیڈنٹ آف بھارت لکھا گیا ہے۔ ہندوتوا بی جے پی کے رہنما آئین سے انڈیا کا لفظ ختم کر کے بھارت کرنے کا مطالبہ کرتے رہے ہیں۔ آسام کے وزیراعلیٰ ہمانتا بسوا شرما نے سوشل میڈیا پوسٹ پر ری پبلک آف بھارت لکھ کر تصدیق کی ہے کہ ملک کانام تبدیل کیا جارہا ہے۔ ہندوستانی میڈیا کے مطابق اس حوالے سے مودی حکومت پارلیمنٹ کے آئندہ سیشن میں تجویز سامنے لاسکتی ہے۔ آئین میں انڈیا کا لفظ بھارت سے تبدیل کردیا جائے گا۔ اور اس کا نام صرف ’ری پبلک آف بھارت‘ رکھا جائے گا۔
