Raza Musani 
پاڑا چنار : کرم میں کامیاب مذاکرات اور جرگے کے بعد فائر بندی ہو گئی۔دونوں فریقین سے مورچے خالی کر کے سیکیورٹی فورسز کے حوالے کردیئے گئے۔ وزیر برائے اوورسیز پاکستانیز ساجد حسین طوری نے کہا ہے کہ ضلعی انتظامیہ، پاک فوج، کرم ملیشیاء، ضلعی پولیس اور ضلع بھر کے مشرانوں کی انتھک جدوجہد کے بعد بغکی اور گنداو کے درمیان جنگ بندی کرا دی گئی اور فریقین سے مورچے خالی کرکے کرم ملیشیاء اور کرم پولیس کے دستوں نے مورچوں کا کنٹرول سنبھال لیا ہے علاقے میں مکمل امن ہے اور کسی کو بھی پر امن فضا خراب کرنے کی اجازت نہیں دی جائیگی۔
