Raza Musani 
صنعا: یمنی فوج کے ترجمان یحییٰ سریع نے کہاہے کہ 24 گھنٹوں کے دوران سعودی جنگی طیاروں نے یمن میں 110 فضائی اور میزائل حملے کیے ہیں۔ حملوں میں دارالحکومت صنعاء کے علاوہ الحدیدہ، تعز، عمران، حجہ، صعدہ، الجوف، الضالع اور مأرب کے علاقوں کو نشانہ بنایا گیا۔
یحییٰ سریع کا کہنا ہے کہ ان حملوں میں خواتین اور بچوں سمیت 9 افراد شہید اور 20 زخمی ہوئے ہیں۔ ترجمان نے مزید کہا کہ حالیہ کشیدگی کے آغاز کے بعد سے اب تک یمن پر 2,652 سعودی فضائی اور میزائل حملے کیے جا چکے ہیں۔
ادھر یمنی فوج نے سعودی حملوں کے جواب میں نجران شہر پر جوابی میزائل حملہ کیا جس میں 6 افراد زخمی ہوگئے۔ سعودی محکمہ شہری دفاع کے مطابق میزائل حملے میں 3 مکانات اور 3 گاڑیوں کو بھی نقصان پہنچا۔
