Raza Musani 
لندن: برطانیہ میں فلسطینیوں کے حقوق کی تنظیم الحق اور گلوبل لیگل ایکشن نیٹ ورک۔ گلان نے اسرائیل کو ایف 35 طیاروں کے پرزوں کی فراہمی پر ہائی کورٹ میں درخواست دائر کردی۔ میڈیا رپورٹ کے مطابق برطانیہ نے گزشتہ برس اسرائیل کو اسلحہ فراہمی کے متعدد لائسنس معطل کیے تھے لیکن ایف 35 کے پرزوں کی فراہمی کو استثنا دیا گیا تھا۔ دونوں تنظیموں نے اپنی درخواست میں موقف اختیار کیا ہےکہ بین الاقوامی عدالت انصاف میں نسل کشی کا کیس ہونے کے باوجود حکومت عالمی اسپیئرز پول اور پارٹنر ممالک کے ذریعے اسرائیل کو پرزے فراہم کرکے ملکی اور بین الاقوامی قانون کی خلاف ورزی کر رہی ہے۔ جمعہ تک ہائی کورٹ کے جج اس بات کا جائزہ لیں گے کہ آیا حکومت کا اسرائیل کو اسلحہ کی برآمدگی کے تمام لائسنسوں معطل نہ کرنے کا فیصلہ قانونی طور پر درست تھا۔
