Raza Musani 
کابل: طالبان حکام نے بیرونی ممالک سےکہا ہےکہ افغانستان کے اندرونی معاملات میں مداخلت سے گریز کریں۔ نائب وزیراعظم برائے اقتصادی امور ملا عبدالغنی برادر نے کابل میں ایرانی سفیر حسن کاظمی قمی سے ملاقات میں کہا کہ افغانستان دوسرے ممالک کے اندرونی معاملات میں مداخلت نہیں کرتا اور وہ ان سے بھی یہی توقع رکھتا ہے۔ انہوں نے کہا کہ ایران اور افغانستان کے دیگر ہمسایہ ممالک کو تعلقات کو مضبوط بنانے کے لیے بنیادی اقدامات کرنے چاہئیں اور دوسروں کو ان تعلقات کو خراب کرنے کا موقع نہیں دینا چاہیے۔ ملا برادر نے کہا کہ افغانستان میں کئی دہائیوں کی جنگوں کے بعد مرکزی حکومت قائم ہوئی ہے اور وہ ممالک بالخصوص پڑوسی ممالک کے ساتھ اچھے اقتصادی اور سیاسی تعلقات چاہتی ہے۔ ایرانی سفیر نے کہا کہ تہران کابل کے ساتھ اقتصادی، زرعی، صنعتی اور ریلوے ٹرانسپورٹیشن کے شعبوں میں تعاون میں دلچسپی رکھتا ہے۔
