Raza Musani 
اسلام آباد : وفاقی حکومت نے گلگت بلتستان میں 4 ہزار نئی اسامیوں کی منظوری دے دی۔ اس بات کا فیصلہ مشیر خزانہ شوکت ترین کے ساتھ وزیر اعلیٰ خالد خورشید، وزیر خزانہ جاوید منوا اور محکمہ خزانہ کے دیگر حکام کے ورچوئل اجلاس ہوا۔صوبائی وزیر خزانہ جاوید منوا نے اجلاس کے بعد بتایا کہ صوبائی حکومت نے اسکروٹنی کے بعد 13 ہزار نئی اسامیوں کی سفارش کی تھی۔ اجلاس میں اتفاق کیا گیا کہ پوسٹیں مرحلہ وار دی جائیں گی اور پہلے مرحلے 4 ہزار اسامیوں کی منظوری دی گئی۔ یہ اسامیاں تعلیم، صحت اور ایڈمنسٹریش کے محکموں کیلئے ہونگی جس کے تحت اسپیشل ٹیچرز، اسپیشل ڈاکٹرز اور نئی تحصیلوں میں اسٹاف بھرتی کیا جائے گا۔ انہوں نے بتایا کہ ورچوئل اجلاس کا دوسرا ایجنڈا صوبے کیلئے اضافی بجٹ کی فراہمی تھا۔ اپریل مئی میں وفاقی وزارت خزانہ کے ساتھ ہونے والے اجلاس اور ہمارے مطالبے پر پہلی مرتبہ 47 ارب روپے کا بجٹ ملا تھا اور ہمارے ساتھ یہ بھی وعدہ کیا گیا تھا کہ دسمبر میں اگر وفاقی بجٹ میں گنجائش موجود رہتی ہے تو اس صورت میں پانچ ارب روپے مزید فراہم کیے جائیں گے۔ اس امور پر بھی اجلاس میں غور ہوا اور امید ہے کہ یہ اضافی بجٹ دسمبر میں مل جائے گا۔
