مغربی کنارے کے یہودی آباد کاروں کو شہری قرار دینے کا نسل پرستانہ بل منظور

تل ابیب : اسرائیلی پارلیمنٹ نے مقبوضہ مغربی کنارے کے یہودی آباد کاروں کو شہری قرار دینے کا متنازع بل منظور کرلیا۔
اسرائیلی پارلیمنٹ میں پیش کئے گئے بل پر پہلی رائے شماری میں 58 ارکان نے بل کے حق میں ووٹ دیا جبکہ مخالفت میں 13ووٹ پڑے۔ آئین کے تحت اس قانون کو مزید دو بار اسمبلی میں حتمی منظوری کے لیے پیش کیا جائے گا۔ بل کےتحت مقبوضہ مغربی کنارے کی یہودی بستیوں پربھی اسرائیلی قوانین کا اطلاق ہوگا۔ 4 لاکھ 75 ہزار یہودی آبادکاروں کو اسرائیل کے باضابطہ شہریوں کے برابر حقوق مل جائیں گے اور فلسطینی شہریوں کی حالت قابض یہودیوں کےسامنےغلاموں جیسی ہوجائے گی۔ فلسطینی وزارت خارجہ نے کالے قانون کونسل پرستانہ قرار دیتے ہوئے کہا کہ اس کامقصد مقبوضہ مغربی کنارے پر یہودی آبادکاروں کو مزید طاقتور اور مستحکم کرکے فلسطینیوں کو ان کے آبائی گھروں سے بیدخل کرنا ہے جو عالمی قوانین کی خلاف ورزی ہے۔