Raza Musani 
لاہور : آئی ایس او کا50واں "جہد مسلسل و عزم نو” کنونشن اختتام پذیر ہوگیا جامعۃ المصطفی لاہور میں امامیہ اسٹوڈنٹس آرگنائزیشن کے سالانہ کنونشن کی آخری نشست میں نئے میر کارواں کا انتخاب عمل میں آیا۔ علامہ حسنین گردیزی نے نو منتثصدر زاہد مہدی سے ذمہ داری کا حلف لیا۔ کنونشن میں ملک بھر سے ہزاروں طلباء اور سابقین نے شرکت کی۔ نئے مرکزی صدر کا اعلان رکن مرکزی نظارت آیت اللہ غلام عباس رئیسی نے کیا۔ مرکزی صدر منتخب ہونے کا اعلان کیا گیا تو پنڈال میں موجود امامیہ نوجوانوں نے والہانہ انداز میں ان کا استقبال کیا نو منتخب مرکزی صدر نے شرکاء کنونشن سے خطاب کرتے ہوئے کہا کہ وطن عزیز کی جغرافیائی اور فکری سرحدوں کا تحفظ ہمارا منشور ہے اور ہم وطن کی جانب اٹھنے والی ہر میلی آنکھ پھوڑنے کا جذبہ رکھتے ہیں۔ آئی ایس او ملک کی نظریاتی و جغرافیائی سرحدوں کی محافظ ہے اور اپنے وطن کے دفاع کیلئے مصروف عمل ہے۔ کنونشن کے آخری روز قرآن و اہلبیت کانفرنس کا انعقاد ہوا۔ جس سے مجلس وحدت مسلمین کے سربراہ علامہ راجہ ناصر عباس جعفری، علامہ حیدر نقوی، سربراہ امت واحدہ علامہ امین شہیدی، علامہ غلام عباس رئیسی، مجلس وحدت مسلمین پنجاب کے رہنماء علامہ عبد الخالق اسدی، سابق مرکزی صدر ملک اعجاز، سابق مرکزی صدر ثاقب اکبر نقوی اور سابق مرکزی صدر علامہ حسنین گردیزی نےخطاب کیا۔ منقبت خواں اور نوحہ خواں زوار بسمل اور علی صفدر نے ترانہ شہادت پیش کیا۔
کنونشن کے بعد استحکام پاکستان ریلی نکالی گئی۔ جو ناصر باغ سے شروع ہو کر انارکلی چوک، جی پی او چوک، لاہور ہائیکورٹ سے ریگل چوک پہنچی، جہاں سے ریلی پنجاب اسمبلی کے سامنے فیصل چوک میں پہنچ کر جلسے کی شکل اختیار کر گئی۔ ریلی کی قیادت آئی ایس او کے نومنتخب مرکزی صدر زاہد مہدی نے کی ۔
