صیہونی حملے میں 5 لبنانی شہید، حزب اللہ نے 50 سے زائد راکٹ داغ دئے

بیروت : صہیونی فورسز کے جنوبی لبنان کے دیہاتوں اور قصبوں پر اسرائیلی حملے جاری رہے جب کہ آئی او ایف کے توپ خانے نے کفار شوبہ اور الحبریہ کے مضافات میں گولہ باری کی۔ خیربت سیلم قصبے میں پناہ گزین بلیدہ کا خاندان شہید ہوگیا۔ جس میں میاں بیوی اور دو بیٹوں سمیت پانچ افراد شامل ہیں۔ جبکہ نو افراد زخمی ہوئے یہ افراد بلیدہ پر ہونے والے اسرائیلی حملوں سے بچ کر خیربت سیلم میں پناہ لیے ہوئے تھے۔
صیہونی جارحیت کے جواب میں حزب اللہ نے جل الدیر میں صیہونی فوج کی تنصیبات کو نشانہ بنایا اور متعدد صیہونی فوجیوں کو ہلاک یا زخمی کردیا۔ حزب اللہ نے مقبوضہ فلسطین کے مشرق میں واقع "میرون” بستی پرکاتیوشا میزائلوں سے حملہ کیا۔ حزب اللہ نے اسرائیلی تنصیبات پر پچاس سے زائد راکٹ داغے۔ اسرائیل نے تصدیق کی ہے کہ 37 راکٹ میرون ائیربیس کے قریب گرے۔ تاہم اسرائیلی حکام نے نقصان کے بارے میں کچھ نہیں بتایا۔