امریکا میں اسلاموفوبیا کی شکایات میں 23 فیصد کمی، رپورٹ

نیویارک : امریکا میں اسلاموفوبیا سے متعلق شکایات میں 23 فیصد کمی آئی ہے مگر اسکولوں میں ایسی شکایات میں 63 فیصد اضافہ ہوا ہے۔ شہری اور انسانی حقوق کے لئے کام کرنے والی امریکی تنظیم کی شائع کردہ ایک رپورٹ میں کہا گیا ہے کہ شہری حقوق سے متعلق واقعات کی شکایتوں میں 23 فیصد کمی آئی ہے مگر اسکولوں میں ایسی شکایات میں 63 فیـصد اضافہ ہوا ہے۔ ترک خبررساں ادارے انا دولو نے کیئر کے ریسرچ اینڈ ایڈووکیسی ہیڈ کورے سیلر کے حوالے سے بتایا ہے کہ تنظیم نے امریکی مسلمانوں کی انسانی حقوق کی شکایات کے اعدادو شمار 1995 سے اکھٹے کرنے شروع کیے تھے اور شکایات میں کمی آنے کیا یہ پہلا موقع ہے۔ کیری سیلر شکایتوں میں کمی آنے پر خوشی کا اظہارکیا مگر اسکولوں میں مسلمان بچوں کو ڈرائے دھمکائے جانے کے واقعات میں اضافے پر تشویش ظاہر کی ہے۔ انہوں نے مزید کہا کہ یہاں کا میڈیا مسلمانوں کی بہت منفی تصویر پیش کرتا ہے اور امریکی معاشرہ مسلمانوں کو اب بھی اپنا حصہ نہیں سمجھتا۔ انہوں نے بتایا کہ سابق صدر ڈونلڈ ٹمپ کے دور حکومت میں قانون نافذ کرنے والے اداروں کی مسلم مخالف سرگرمیوں کی شکایتوں میں کافی اضافہ ہو تھا۔