عراقی عدالت نے ٹرمپ کے وارنٹ گرفتاری جاری کردئے

 ٹرمپ اب اپنے گھر میں بھی محفوظ نہیں رہیں گے،حشد الشعبی کا فیصلہ کا خیرمقدم
 بغداد(نیوز ڈیسک) عراق میں استقامتی محاذ کے کمانڈروں جنرل قاسم سلیمانی اور ابو مہدی المہندس کے قتل کیس کی سماعت کرنے والی الرصافہ عدالت نے امریکی صدر ٹرمپ کو گرفتار کرنے کا حکم دے دیا ،عدالت نے حکم دیا کہ کیس میں دیگر مجرموں کا خواہ وہ عراقی ہوں یا غیر عراقی، پتہ لگانے کے لئے تحقیقات جاری رہیں گی ، الحشد الشعبی نے فیصلے کی حمایت کرتے ہوئے کہا ہے کہ ٹرمپ اپنے گھر میں بھی محفوظ نہیں رہیں گے، عراق انٹرپول کارکن ہے اور عراقی جج کا یہ فیصلہ انٹرپول کو عراقی حکومت کے ساتھ تعاون کا پابند بناتا ہے اور اس عدالتی فیصلے کی بنیاد پر ٹرمپ کسی بھی عنوان سے عراق میں داخل نہیں ہو سکتے