Raza Musani 
قم : مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے کہا ہے کہ افغانستان کی تقسیم ہمسایہ ممالک کے لئے خطرہ بن سکتی ہے، قم میں صحافیوں سے گفتگو میں علامہ راجہ ناصر عباس نے کہا کہ 20 سال بعد امریکاافغانستان سے نکل رہا ہے جس کے اثرات پاکستان پر بھی مرتب ہورہے ہیں، امریکا بڑا شیطان ہے جس کا آنا اور جانا دونوں بد امنی اور جنگ کا باعث بنتے ہے، انھوں نے کہا کہ امریکہ نے عراق اور شام میں داعش دہشت گرد تنظيم کو تشکیل دیا اور ان کو مدد فراہم کی۔ اور امریکی حکومت کے پروردہ کئی دہشت گرد گروہ خطے میں موجود ہیں طالبان بھی امریکی پروردہ گروہ ہے جسے آج امریکا نے کھلی چھوٹ دیدی ہے تاکہ افغانستان اندرونی جنگ کا شکار ہوجائے، افغانستان میں کئی دہشت گرد گروہ موجود ہیں جن سے افغان عوام کو شدید خطرات لاحق ہیں ، اگر افغانستان پر طالبان نے قبضہ جمانے کی کوشش کی تو افغانستان میں داخلی جنگ شروع ہو جائےگی۔
