Ilyas 
آزاد کشمیر، پاکستان اور دنیا بھر میں احتجاجی مظاہرے اور ریلیاں، ہاتھوں کی زنجیریں بنائی گئیں، پورے پاکستان میں ایک منٹ کی خاموشی اختیار کی گئی
بھارت نے آبادی کا تناسب تبدیل کرنا اسرائیل سے سیکھا ،صدر کا ریلی سے خطاب،، مودی نے کشمیر کی خصوصی حیثیت ختم کرکے بڑی اسٹریٹیجک غلطی کی ،عمران خان
اسلام آباد(نیوز ڈیسک) مقبوضہ کشمیر کی خصوصی حیثیت ختم کرنے اور اس کے بھارت سے الحاق کو ایک سال پورا ہونے پر مقبوضہ کشمیر، آزاد کشمیر اور پاکستان میں یوم استحصال کشمیرمنایاگیا، بزرگ حریت راہنما سید علی گیلانی کی اپیل پر پورے مقبوضہ کشمیر میں شٹر ڈاو ¿ن ہرتال کی گئی ۔آزاد کشمیر، پاکستان اور دنیا بھر میں احتجاجی مظاہرے اور ریلیوں کا انعقاد کیاگیا ، پورے پاکستان میں ایک منٹ کی خاموشی اختیار کی گئی ، کشمیریوں سے اظہار یکجہتی کیلئے انسانی ہاتھوں کی زنجیریں بنائی گئیں،وزیرخارجہ شاہ محمود قریشی کی قیادت میں وزیراعظم آفس کے قریب کشمیر ریلی نکالی گئی جس میں صدر مملکت عارف علوی، چیئرمین سینیٹ صادق سنجرانی، اسپیکر قومی اسمبلی اسد قیصر، اراکین پارلیمنٹ اور دیگر اعلیٰ شخصیات و عوام کی بڑی تعداد نے شرکت کی،ریلی سے خطاب میں صدر مملکت ڈاکٹر عارف علوی کا کہنا تھا کہ بھارت نے آبادی کا تناسب تبدیل کرنا اسرائیل سے سیکھا لیکن پاکستان کشمیریوں کا ساتھ دیتا رہے گا ،ان کا کہنا تھا کہ بھارت کی ہندوتوا حکومت کشمیریوں پر مظالم ڈھا رہی ہے، بھارت کے غیر قانونی قبضے کے باعث ایک سال کے دوران کشمیر کی معیشت کو 4 ہزار ارب ڈالر کا نقصان ہو چکا ہے ،آزاد کشمیر اسمبلی سے خطاب میں وزیراعظم عمران خان نے کہا کہ ہندوستان میں حالات اب بگڑتے جائیں گے، مودی حکومت بند گلی میں پھنس چکی اور اب کشمیر آزاد ہوگا ، اللہ تعالیٰ کشمیریوں کو ایسی صورتحال سے گزار رہاہے جس کا اختتام آزادی ہے، مودی گزشتہ سال 5 اگست کو بہت بڑی غلطی کر بیٹھا ہے، مودی نے کشمیر کی خصوصی حیثیت ختم کرکے بہت بڑی اسٹریٹیجک غلطی کی ، بھارت کو بار بار کہا آپ ایک قدم بڑھاو ¿ ہم دو بڑھائیں گے، ہم نے بات چیت کے ذریعے مسئلہ کشمیر کے حل کی پیشکش کی
