Raza Musani 
انقرہ: ترک صدر رجب طیب اردوان نے دوٹوک الفاظ میں کہا ہے کہ سوئیڈن نیٹو کی رکنیت چاہتا ہے تو کرد علیحدگی پسندوں کیخلاف کارروائی کرے۔ صدر رجب طیب اُردوان نے نیٹو کے سیکریٹری جنرل ہینزاسٹولٹن برگ سے ٹیلی فون پر بات چیت کی، دونوں رہنماؤں نے روس میں ویگنر بحران پر تبادلہ خیال کیا۔ جبکہ سوئیڈن کی نیٹو کی رکنیت پر بھی بات کی گئی۔ اُردوان نے کہا کہ سویڈن کی رکنیت کے حوالےسے ترکیہ کا تعمیری رویہ جاری ہے۔ لیکن انقرہ کے مطالبات کو پورا کرنے کے لیے سویڈن کے دہشت گردی کے قوانین میں تبدیلی بےمعنی تھی کیونکہ کرد علیحدگی پسندوں نے اپنے احتجاج کا سلسلہ جاری رکھا۔ اُردوان نے کہا کہ سویڈن کو کردوں کے احتجاج کو روکنا چاہیے تاکہ نیٹو میں رکنیت کیلئے اسی راہ ہموار ہوسکے۔
