عہدہ جانے سے پہلے مائیک پومپیو کا ایران کیخلاف آخری داو

7ممالک کے دورے، توجہ ایران کیخلاف محاذ مضبوط بنانے پر مرکوز رکھی
واشنگٹن (نیوز ڈیسک) امریکی وزیرخارجہ مائیک پومپیو نے عہدہ جانے سے پہلے ایران کیخلا ف اپنا آخری داو ¿ کھیل لیا،وہ ہنگامی دورے پر فرانس، ترکی،قطر، اسرائیل، متحدہ عرب امارات اور سعودی عرب پہنچے اور حکام پر ایران کیخلاف محاذ مضبوط بنانے پر زور دیا،انہوں نے دعویٰ کیا کہ امریکا نے تہران کو خطے کے استحکام کو تہہ وبالا کرنے سے باز رکھنے کے لیے ایک اتحاد بنا رکھا ہے، ایران کے حوالے سے امریکی پالیسی مسلمہ ہے، اس میں کوئی تبدیلی رونما نہیں ہوئی ، خطے کے ممالک ایران کے مشترکہ خطرے کو جان گئے ہیں، ہم فلسطینیوں کو اسرائیل کے ساتھ امن قائم کرنے کی طرف راغب کرنا چاہتے ہیں لیکن ان کی قیادت اس اسے انکاری ہے،انھوں نے یہ بھی واضح کیا کہ عراقی سرزمین پر امریکی فوج کی موجودگی کا مقصد مصطفی الکاظمی کی حکومت کی حمایت ہے ،عراق میں سرگرم ایرانی ملیشیاو ¿ں کے خلاف اقدامات ہم آگے چل کر اٹھائیں گے۔