Ilyas کوہاٹ کے واقعات نئی آزمائش میں جھونکنے کی سازش ہے،علامہ وحید کاظمی
پشاور(نیوز ڈیسک) مجلس وحدت مسلمین خیبر پختونخوا کے صوبائی سیکریٹری جنرل علامہ سید وحید کاظمی نے کہا ہے کہ کوہاٹ میں شیعہ ٹارگٹ کلنگ کے واقعات کا تسلسل وطن عزیز کو کسی نئی آزمائش میں جھونکنے کی سازش ہے، شیعہ نسل کشی کی تازہ لہر کالعدم تکفیری جماعتوں کی فعالیت کی نشاندہی کر رہی ہے، اگر حالات کی سنگینی کو بروقت درک نہ کیا گیا تو پوری قوم کو بھیانک نتائج کا سامنا کرنا پڑ جائے گا، اپنے جاری کردہ پیغام میں علامہ وحید کاظمی نے کہا کہ قوم نے دہشت گردی کے خلاف جو جنگ 70 ہزار جانوں کی قربانی دے کر جیتی ہے اسے رائیگاں نہ جانے دیا جائے، ملک کے مختلف حصوں میں شیعہ نوجوانوں کو نشانہ بنا کر فرقہ واریت کے فروغ کیلئے فضا ہموار کرنے کی کوشش طاغوت کا ایجنڈا ہے۔
