ایران کی معدنیات اور تعمیراتی شعبوں پر نئی پابندیاں

 ایران میں 22 مخصوص دھاتوں پر خاص توجہ دی جا رہی ہے،امریکی وزیرخارجہ
واشنگٹن (نیوز ڈیسک) امریکا نے ایران میں معدنیات اور تعمیراتی شعبوں کے خلاف پابندیوں میں توسیع کا اعلان کردیا، وزیر خارجہ مائیک پومپیو نے ایک بیان میں کہا کہ ایران میں 22 مخصوص دھاتوں پر خاص توجہ دی جا رہی ہے، یہ 22 دھاتیں ایران کے جوہری، فوجی یا بیلسٹک میزائل پروگرام میں استعمال ہوتی ہیں ،پومپیو نے واویلا کیا کہ ایران کے جوہری ، میزائل اور فوجی پروگراموں سے بین الاقوامی امن و سلامتی کو شدید خطرہ لاحق ہے ، پاسداران انقلاب نے ایران میں تعمیراتی شعبے کو کنٹرول میں لے رکھا ہے ، پاسداران انقلاب کی تعمیراتی کمپنی اور اس کی ذیلی تنظیمیں بین الاقوامی پابندیوں کے تابع ہیں