Raza Musani 
مقبوضہ بیت المقدس : صیہونی آبادکاروں نے ایک بار پھر مسجد اقصیٰ پر دھاوا بول کر اشتعال انگیزی پھیلائی۔ مقبوضہ بیت المقدس میں متعدد صیہونی آباد کار مسجد اقصیٰ میں گھس گئے۔ آبادکاروں نے گروپوں کی شکل میں مراکشی گیٹ سے احاطے پر دھاوا بولا۔ اور صیہونی پولیس اہلکاروں کی حفاظت میں تلمودی کی رسومات ادا کیں۔ قابض حکام ان دنوں روزانہ ہی صیہونی آبادکاروں کو مسجد اقصیٰ میں دراندازی کی اجازت دے رہے ہیں۔ دوسری جانب صیہونی آبادکار رام اللہ شہر کی وادی السیق میں التہادی اسکول میں گھس گئے اور سامان کو نقصان پہنچایا۔ کھڑکیوں کے شیشے توڑ دئے۔ حالیہ دنوں میں قابض حکام نے وادی السیق میں نسل پرستانہ طرز عمل میں اضافہ کیا ہے۔
