Raza Musani 
غزہ: غزہ میں صیہونی فوج کے فضائی حملے جاری ہیں۔ صبح سویرے رفح اور جبالیہ میں حملے سے 46 افراد شہید اور کئی زخمی ہوگئے۔ صیہونی جنگی طیاروں نے صبح سویرے رفح میں متعدد رہائشی عمارتوں پر بم برسادئے۔ حملے میں 30 فلسطینی شہید اور کئی زخمی ہوگئے۔ جبکہ جبالیہ میں 16 فلسطینی شہیدہوئے۔ غزہ میں شہدا کی مجموعی تعداد بیالیس سو سے زائد ہوگئی ہے۔ مرنے والوں میں 70 فیصد بچے اور خواتین ہیں۔ غزہ میں زخمیوں سے بھرے اسپتال پر بمباری کے بعد اسرائیل نے القدس اسپتال کو بھی تباہ کرنے کی دھمکی دے دی ہے۔ عالمی ادارۂ صحت کے سربراہ ٹیڈروس ادہانوم نے اسرائیلی دھمکی پر تشویش کا اظہار کرتے ہوئے کہا ہے کہ القدس اسپتال خالی کرنے کے مبینہ احکامات پریشان کن ہیں۔
