Raza Musani 
غزہ : غزہ پر جاری حملوں میں مزید سو سے زائد افراد لقمہ اجل بن گئے۔ درجنوں زخمی ہوئے۔ غزہ میں صیہونی حملوں کا سلسلہ جاری ہے۔جنگی طیاروں نے جنوبی شہر رفح۔ نصیرات کیمپ۔ دیر البلاح کے گنجان آبادی والے علاقوں کو نشانہ بنایا۔ جنگی طیاروں کے حملوں اور گولہ باری سے عمارتیں ملبے کا ڈھیر بن گئیں۔ درجنوں افراد ملبے تلے دب گئے۔ زخمیوں اور لاشوں کو اسپتال منتقل کیا۔
کویتی اسپتال کے قریب بمباری سے بھی کئی افراد لقمہ اجل بنے۔ وسطی اور شمالی غزہ کے تمام اسپتال غیر فعال ہوچکے ہیں۔ مغربی کنارے میں بھی صیہونی درندگی کا سلسلہ جاری ہے۔ بکتر بند گاڑیوں اور ٹینکوں کے ساتھ فوجی اہلکار الخلیل کے دُرا شہر۔ جنین۔ مشرقی یروشلم اور نابلس کے مخلتف علاقوں میں تباہی مچادی۔ فائرنگ سے کئی فلسطینی زخمی ہوئے جبکہ دو درجن کے قریب افراد کو گرفتار کرلیا گیا۔
