Raza Musani 
صنعا : یمنی فورسز نے تزویراتی اہمیت کے حامل صوبے مارب کے مزید دو اضلاع کو سعودی حامی عسکریت پسندوں سے آزاد کرالیا۔ مسلح افواج کے ترجمان بریگیڈیئر جنرل یحییٰ ساری نے کہا کہ فوج اور اتحادی عوامی افواج نے آپریشن بہارِ فتح دوسرے مرحلے کے دوران مارب کے ضلع الجوبہ اور جبل مراد کو آزاد کرایا۔ انہوں نے کرائے کے فوجیوں پر زور دیا کہ اس سے پہلے کہ دیر ہوجائے وہ ہتھیار ڈال دیں۔ انہوں نے اس عزم کا اظہار کیا کہ وہ اس وقت تک ہتھیار نہیں ڈالیں گے جب تک پورے ملک کی مکمل آزادی نہیں ہو جاتی جو مارچ 2015 سے سعودی قیادت میں جاری جنگ کا شکار ہے۔ انہوں نے کہا کہ آپریشن کے دوسرے مرحلے کے دوران اب تک 11 سو کلومیٹر علاقہ واپس حاصل کرلیا ہے اور سعودی زیرقیادت 200 سے زائد کرائے کے فوجی ہلاک اور 500 زخمی ہو چکے ہیں۔ اس شکست کے بعد عرب اتحاد کے لڑاکا طیاروں نے مآرب کے نواحی علاقوں میں بے رحمانہ حملے کئے جس میں 115 افراد جاں بحق اور درجنوں زخمی ہوگئے۔
