Raza Musani 
ریاض : سعودی عرب نے خواتین عمرہ زائرین کے آرائشی اور تنگ لباس پہننے پر پابندی لگادی۔ سعودی وزارت حج و عمرہ نے عمرہ کیلئے آنے والی خواتین کے لباس سے متعلق تین قواعد وضوابط جاری کیے ہیں۔ قوانین میں خواتین زائرین کو شائستہ لباس پہننے کی تاکید کی گئی ہے اور آرائشی لباس پہننے سے منع کیا گیا ہے۔ خواتین کے تنگ اور ہلکا لباس زیب تن کرنے کی بھی ممانعت کی گئی ہے۔ حج و عمرہ کی وزارت کے مطابق لباس ڈھیلا ہونا چاہیے جو جسم کے کسی بھی حصے کو ظاہر نہ کرے۔ وزارت حج و عمرہ کے مطابق خواتین کسی بھی لباس میں عمرہ کے لیے مسجد الحرام جاسکتی ہیں بشرطیکہ وہ لباس ان تینوں تقاضوں کو پورا کرتا ہو۔
