Raza Musani 
اوٹاوا : کینیڈا نے اسرائیل کو مزید اسلحے کی سپلائی روکنے کا فیصلہ کرلیا ہے۔ کینیڈین وزیرخارجہ میلائن جولی نے کہا کہ پارلیمنٹ سے نان بائنڈنگ ووٹنگ کے بعد ٹروڈو حکومت جلد اسرائیل کو اسلحہ کی فراہمی روک دے گی۔ کینیڈا کی پارلیمنٹ نے غزہ میں جاری اسرائیلی مظالم کے خلاف قرارداد منظور کرتے ہوئے انسانی بنیادوں پر جنگ بندی کا مطالبہ کیا ہے۔ پارلیمنٹ کے اراکین نے غزہ میں خونریزی کیلئے اسرائیل کو اسلحے کی فراہمی کو قتل میں شراکت سے قرار دیا ہے۔ اراکین پارلیمنٹ نے حکومت سے اسرائیل کو اسلحے کی فراہمی فوری بند کرنے کا بھی مطالبہ کیا ہے۔ جس کے بعد ٹروڈو حکومت کے لیے اسرائیل کو مزید اسلحے کی فراہمی مشکل ہوگئی ہے۔
