پاراچنار میں دوبارہ فتنہ کھڑا کرنے کی کوشش کیوں کی جا رہی ہے، علامہ راجہ ناصر عباس

راولپنڈی : مجلس وحدت مسلمین کے سربراہ سینیٹر علامہ راجہ ناصر عباس جعفری نے کہا ہے کہ عید میلاد النبی ص کے ایام جنہیں فقہاء نے ہفتہ وحدت قرار دیا ہے۔ان ایام میں تفرقے کی صدا شیطانی آواز ہے۔ میں اس کی شدید الفاظ میں مذمت کرتا ہوں۔چاہل سنت ہمارے بھائی، ہماری جان ہیں یہ ہمارے مجتہدین عظام کا فتوی ہے۔اہل تشیع کے ہاں کسی کی تکفیر گناہ ہے۔ انہوں نے کہا کہ پارا چنار میں ابھی کچھ عرصہ پہلے کتنے بے گناہوں کو مار دیا گیا۔ دوبارہ نیا فتنہ کھڑا کرنے کی کوشش کیوں کی جا رہی ہے۔ یہ جلتی پر تیل ڈالنے والے کون ہیں؟ ضلع کرم اور پاراچنار کے عمائدین کی یہ ذمہ داری ہے کہ فتنہ گروں کو لگام دیں۔ایسے لوگوں سے اعلان برات کریں۔ انہوں نے کہاکہ دشمن تکفیری ٹولے پالتا ہے اور ہمیں لڑانا چاہتا ہے۔وہ ہماری عبادت گاہوں میں بدامنی چاہتا ہے۔ ضلع کرم اور پاراچنار کے صاحبان عقل و فہم بابصیرت ہیں وہ ان کا راستہ روکیں گے۔