مغربی طاقتوں کو یمن کے خود مختار معاملات میں مداخلت کا حق نہیں، یمن

صنعا: یمن کی نیشنل سالویشن حکومت کے وزیر دفاع محمد ناصر العاطفی نے کہا ہے کہ مغربی طاقتوں کو یمن کے خود مختار معاملات میں مداخلت یا ملک کے علاقائی پانیوں پر اثر انداز ہونے کا کوئی حق نہیں ہے۔ محمد ناصر العاطفی نے یمنی بحری افواج کی کمانڈ کے اجلاس میں میرینز کو جنگی تیاریوں کا حکم دیا تاکہ وہ سمندری خودمختاری کے دفاع کے لیے مشن انجام دے سکیں۔ انہوں نے کہا کہ یمن اسٹرائیک فورس اور ایسے آلات اور طریقوں کے ساتھ اپنے دفاع میں زیادہ مضبوط اور موثر ہونے کی کوشش کر رہا ہے جو یمن کے تمام علاقائی پانیوں پر سمندری خودمختاری کو مضبوط کرنے کی ضمانت دیتے ہیں۔
یمن کے وزیر دفاع نے کہا کہ بحیرہ احمر کے جنوب سے بحیرہ عرب تک یمن کے جغرافیہ کی وجہ سے اہم خطے میں ایک مضبوط فوجی طاقت کے لیے بحریہ کی جدیدکاری کی ضرورت ہے۔