Raza Musani 
اسلام آباد: وزیر دفاع خواجہ محمد آصف نے تسلیم کیا ہے کہ دہشت گردی کے بیج ہم نے خود بوئے ہیں، افغانستان میں لڑی جانے والی جنگ ہماری دہلیز پر آگئی۔ قومی اسمبلی میں خطاب کرتے ہوئے خواجہ آصف نے کہا کہ ہمیں سپر پاور کا آلہ کار بننے کا شوق ہے۔ ہمیں اپنی خود احتسابی کرنا ہوگی۔ ہم نے اپنا ملک سارے کا سارا گروی رکھ دیا ہے۔ خواجہ آصف نےکہا کہ یہاں جتنے فرقے ہیں۔اتنی ہی جماعتیں سیاست میں حصہ لیتی ہیں۔ ہمیں اپنےگریبانوں میں جھانکنے کی ضرورت ہے۔ آج بھی جس طرح مذمت کی جانی چاہیے ویسے نہیں ہورہی، دہشت گردی کسی ایک فرقے یا طبقے کی جنگ نہیں ہے۔ یہ پاکستان کی جنگ ہے، یہ ساری قوم کی جنگ ہے۔ ان کا کہنا تھا کہ سوشل میڈیا پر پتا چل جائے گا کہ ہم کس طرف جارہے ہیں، 50 سال پہلے بنگلہ دیش ہم سےالگ ہوگیا، آج ان سے ہمارا کوئی موازنہ نہیں۔ ان کا کہنا تھا کہ اسرائیل میں بھی مساجد میں ایسا نہیں ہوتا جیسا پاکستان میں ہوا، نمازیوں پر مسجد میں قتل عام تو بھارت میں بھی نہیں ہوتا۔
