Raza Musani 
واشنگٹن: امریکی ایلچی اسٹیو وٹکوف کی تجاویز میں ساٹھ روزہ جنگ بندی۔ دس اسرائیلی قیدیوں کی رہائی اور اٹھارہ لاشوں کی واپسی شامل ہے جبکہ مستقل جنگ بندی اور اسرائیلی فوجی انخلا کا کوئی ذکر نہیں کیا گیا۔ الجزیرہ ٹی وی کا کہنا ہے کہ امریکی ایلچی اسٹیو وٹکوف کی جنگ بندی کی نئی تجاویز میں ساٹھ دنوں کی جنگ بندی شامل ہے۔ نئی تجویز کے مطابق دس زندہ اسرائیلی شہریوں کی رہائی اور اٹھارہ قیدیوں کی لاشوں کی واپسی ہوگی۔ جنگ بندی معاہدے کے تحت اسرائیل 1100 سے زائد فلسطینی قیدیوں کو رہا کریگا۔ اسرائیل غزہ میں فوج کی تعداد کم کرے گا اور انسانی امداد کی فراہمی میں اضافہ کرےگا، جنگ بندی کے دوران اسرائیل کو ہر روز 12 گھنٹے تک فوجی اور جاسوسی آپریشن کرنے کی اجازت ہوگی یہاں تک کہ قیدیوں کی رہائی کے لیے مخصوص دنوں میں بھی۔ غزہ میں امداد کی فراہمی اور قیدیوں کی رہائی کے لیے امریکا، مصر اور قطر کی مشترکہ ضمانت ہوگی۔
