امریکا کا کابل ڈرون حملے میں ہلاکتوں کو جنگی قوانین کی خلاف ورزی ماننے سے انکار

واشنگٹن : امریکی محکمہ دفاع نے کابل ڈرون حملے میں دس افراد کی ہلاکت کو جنگی قوانین کی خلاف ورزی ماننے سے انکار کردیا۔ پینٹاگون کے انسپکٹر جنرل لیفٹیننٹ جنرل سیمی سیڈ کا کہنا ہے کہ 29 اگست کو افغانستان کے دارالحکومت کابل میں ڈرون حملے میں 10 شہریوں کی ہلاکت افسوس ناک غلطی تھی لیکن واقعہ کی تحقیقات میں قانون یا جنگی قوانین کی خلاف ورزی نہیں پائی گئی۔ رواں برس 29 اگست کو امریکا کے کابل میں ہونے والے ڈرون حملے میں 7 بچوں سمیت 10 افراد مارے گئے تھے۔