امریکی حملے مذہبی، اخلاقی اور انسانی فریضے کو پورا کرنے سے نہیں روک سکتے، یمن

صنعا: بحیرہ احمر میں یمنی کشتیوں پر حملوں کے بعد صورتحال سخت کشیدہ ہوگئی۔ یمنی فوج کے ترجمان یحیٰ سریع نے امریکا کو خبردار کیا ہے کہ وہ ہمارے اہلکاروں کے قتل کے نتائج بھگتے گا۔ امریکی حملے یمن کو اپنے مذہبی، اخلاقی اور انسانی فریضے کو پورا کرنے سے نہیں روک سکتے۔ ہم فلسطین اور غزہ کے مظلوموں کی حمایت جاری رکھیں گے۔
امریکا کے بعد برطانیہ نے بھی یمن کے خلاف کارروائی کی دھمکی دے دی۔ برطانوی وزیر دفاع گرانٹ شیپس نے کہا ہےکہ اگر جہاز رانی کی آزادی کو خطرات لاحق ہوئے تو کارروائی سے دریغ نہیں کریں گے۔ادھر ایران نے بھی اپنے جنگی جہاز کو بحیرہ احمر میں بھیجنے کا اعلان کردیا جنگی جہاز آئرس البروس یمن کے قریب آبنائے باب المندب سے گزر کر بحیرہ احمر تک پہنچے گا۔