سندھ کے سوا ملک بھر میں یکساں نصاب تعلیم رائج

اسلام آباد: سندھ کے سوا ملک بھر میں یکساں نصاب تعلیم رائج کردیا گیا، وفاقی وزیر تعلیم شفقت محمود نے ملک بھر میں یکساں تعلیمی نصاب سے متعلق تقریب سے خطاب میں کہا کہ ملک میں پہلی بار یکساں نصاب رائج ہورہا ہے، وزیراعظم کے وژن اور ہمارے منشور کی تکمیل کا دن ہے، تبدیلی کے عمل میں کئی مراحل سے گزرنا پڑتا ہے، یکساں نصاب خیبرپختونخوا، پنجاب، گلگت بلتستان، آزاد کشمیر اور بلوچستان میں رائج ہوگیا ہے، سندھ میں بھی کوشش جاری ہے کہ یکساں نصاب تعلیم رائج ہو، انہوں نے کہا کہ نئے نصاب کے عمل میں کئی مراحل سے گزرنا پڑا، یکساں نصاب تعلیم ایک بہت بڑا قدم ہے، یکساں نصاب نا انصافی ختم کرنے کی جانب ایک قدم ہے، مدرسے، سرکاری اور پرائیویٹ اسکول کے بچے ایک ہی نصاب پڑھیں گے۔