Raza Musani 
نیویارک : اقوام متحدہ کے سیکرٹری جنرل انتونیو گوٹیرس نے سوشل میڈیا پلیٹ فارم ایکس پر اپنے بیان میں کہا کہ انہیں اس بات پر سخت تشویش ہے کہ اسرائیل غزہ میں اپنی زمینی کارروائیوں کو بڑھانے کا ارادہ رکھتا ہے۔ انہوں نے غزہ کے لوگوں کو ان کی سرزمین سے بے گھر کرنے کے کسی بھی منصوبے کو مسترد کرنے کا اعادہ کیا اور کہا کہ غزہ سے جبری نقل مکانی کو کسی صورت قبول نہیں کیا جائے گا۔ انہوں نے کہاکہ اقوام متحدہ کے ادارے نئے امریکی منصوبے کے تحت کسی امدادی کام میں حصہ نہیں لیں گے۔ کیونکہ یہ منصوبہ غیرجانبداری اور آزادی کے اصولوں کی پاسداری نہیں کرتا ہے۔
