Raza Musani 
انقرہ: زلزلے کی تباہ کاریوں سے نمٹنے کے لیے ترک قوم نے یکجا ہوکر مثال قائم کردی۔ ٹیلی میراتھن میں 6.1 ارب ڈالر جمع کرلیے۔ترکیہ کے 8 مختلف نجی ٹی وی چینلز نے زلزلہ متاثرین کی بحالی کے لیے لائف براڈ کاسٹ امدادی مہم کا آغاز کیا اور چند گھنٹوں میں 6 ارب ڈالر سے زائد امدادی رقم اکٹھی کرلی۔ صدر رجب طیب اُردوان نے بھی امدادی مہم میں حصہ لیا اور اعلان کیا کہ یہ امدادی رقم ملک کے گیارہ صوبوں سمیت شام کے متاثرہ علاقوں کے متاثرین کی بحالی اور فلاح و بہبود کے لیے استعمال کی جائے گی۔ اُدھر اقوام متحدہ نے ترکیہ کے زلزلہ متاثرین کے لیے ایک ارب ڈالر امداد کی اپیل جاری کر دی۔ اقوام متحدہ کا کہنا ہے کہ امداری رقم سے ترکیہ کے 52 لاکھ افراد کو 3 ماہ کے لیے انسانی امداد کی فراہمی ممکن ہوسکے گی۔ اس سے پہلے اقوام متحدہ شام کے زلزلہ متاثرین کے لیے تقریباً 40 کروڑ ڈالر امداد کی اپیل کر چکا ہے۔
