Raza Musani 
واشنگٹن : امریکا کے جنگی جنونی صدر ڈونلڈ ٹرمپ کو زہران ممدانی کی کامیابی ہضم نہ ہوسکی۔ انہوں نے نیویارک کے نومنتخب مسلمان میئر کو ایک بار پھر دھمکی آمیز پیغام دے دیا۔ فاکس نیوز کو انٹرویو میں ڈونلڈ ٹرمپ نے کہا کہ زہران ممدانی کا انتخابی خطاب غصے سے بھرپور تھا۔ انہیں واشنگٹن کے ساتھ احترام کا مظاہرہ کرنا چاہیے۔ ٹرمپ نے کہا کہ میں وہ شخص ہوں جو نیویارک کے لیے بہت سی چیزوں کی منظوری دیتا ہے۔ انہوں نے اچھی شروعات نہیں کی ہے۔ ٹرمپ نے خبردار کیا ہے کہ زہران ممدانی ان کے ساتھ اچھا برتاؤ کریں، ورنہ شہر کے معاملات میں مشکلات پیدا ہو سکتی ہیں۔
ادھر نیویارک کے نومنتخب میئر زہران ممدانی نے کہا ہے کہ وہ صدر ڈونلڈ ٹرمپ سے ملاقات کے خواہاں ہیں تاکہ شہر کی خدمت کے لیے مل کر کام کیا جا سکے۔ تاہم انہوں نے خبردار کیا کہ اگر گفتگو شہریوں کے نقصان پر ہوئی تو وہ اس کی بھرپور مزاحمت کریں گے۔ انہوں نے یقین دلایا کہ شہر میں قانون کی حکمرانی قائم رہے گی اور ہر شخص کو ایک ہی معیار پر پرکھا جائے گا۔
