Raza Musani 
لندن : لندن میں نکبہ کے77 سال پورے ہونے پر لاکھوں افراد سڑکوں پر آگئے۔ فلسطینی حامی مظاہرین نے مرکزی لندن سے ڈاؤننگ اسٹریٹ تک مارچ کیا۔ فلسطین یکجہتی کمپین، فرینڈز آف الاقصیٰ، مسلم ایسوسی ایشن آف برٹین، اسٹاپ دی وار اور دیگر تنظیموں کی اپیل پر ویلز اور شمالی انگلینڈ سمیت ملک بھر سے فلسطینی حامیوں نے مارچ میں حصہ لیا۔
منتظمین کا کہنا ہے کہ مارچ میں چھ لاکھ افراد شریک ہوئے۔ جو نومبر 2023 کے بعد سے سب سے بڑا مارچ ہے۔ فلسطینی پرچم اور اسرائیلی جارحیت سے متعلق پوسٹرز اور بینرز اٹھائے مظاہرین مختلف سڑکوں سے ہوتے ہوئے ڈاؤننگ اسٹریٹ تک پہنچے۔
مقررین نے اپنے خطاب میں غزہ میں جنگ بندی اور لیبر حکومت سے اسرائیل کی حمایت بند کرنے کا مطالبہ کیا۔
