Raza Musani 
روم: اٹلی کی وزیر اعظم جارجیا میلونی نے اسلامی ثقافت پر طنز کرتے ہوئے کہا ہے کہ یورپ میں اس کی کوئی جگہ نہیں ہے۔
جارجیا میلونی کی ایک ویڈیو سوشل میڈیا پر منظر عام پر آئی ہے جس میں انہوں نے کہا ہے کہ اسلامی ثقافت اور یورپی تہذیب کی اقدار اور حقوق میں مطابقت کا مسئلہ ہے۔ اطالوی وزیر اعظم نے مزید کہا کہ اٹلی میں اسلامی ثقافتی مراکز کو سعودی عرب کی طرف سے مالی اعانت فراہم کی جاتی ہے جہاں شریعت نافذ ہے۔ یورپ میں اسلامائزیشن کا عمل ہماری تہذیب کی اقدار سے بہت دور ہے۔ جارجیا میلونی نے سعودی عرب اور وہاں شریعت پر مبنی قانون بالخصوص ارتداد اور ہم جنس پرستی کی سزاؤں پر تنقید کرتے ہوئے کہا کہ ان سزاؤں کو ختم ہونا چاہیے۔ اٹلی کی وزیراعظم نے مزید کہا کہ یہ بات میرے ذہن سے نہیں نکلتی کہ اٹلی میں زیادہ تر اسلامی ثقافتی مراکز کو سعودی عرب کی طرف سے مالی مدد فراہم کی جاتی ہے۔
