Raza Musani 
نابلس: صیہونی فوج نے ایک بار پھر مغربی کنارے کے شہر نابلس پر دھاوا بول دیا۔صیہونی فوجیوں کی بھاری نفری صبح سویرے مشرقی نابلس میں مختلف سمتوں سے داخل ہوئی۔ فلسطینیوں کی بڑی تعداد بھی گلیوں میں نکل آئی۔ اسرائیلی بکتر بند گاڑیوں کا داخلہ روکنے کیلئے سڑکیں بند کر دیں۔ اس موقع پر درجنوں نوجوان فلسطینیوں اور اسرائیلی فوجیوں کے درمیان جھڑپیں شروع ہوگئیں۔ فوجیوں نے ہجوم پر براہ راست فائرنگ اور آنسو گیس کی شیلنگ کی۔فلسطینیوں نے پتھراؤ کیا اور پٹرول بم پھینکے۔ جھڑپوں میں درجنوں فلسطینی زخمی ہو گئے ہیں۔ ایک کی حالت تشویشناک بتائی جاتی ہے۔
