Raza Musani 
غزہ : صیہونی فوج نے غزہ کے جبالیہ پناہ گزین کیمپ پر قیامت ڈھادی۔ درجنوں افراد شہید و زخمی ہوگئے۔ صیہونی جنگی طیاروں نے جبالیہ کیمپ کے پرہجوم علاقے کی دو بڑی عمارتوں کو نشانہ بنایا۔ انتہائی طاقتور امریکی بموں نے پورے پناہ گزین کیمپ کو صفحہ ہستی سے مٹادیا۔ درجنوں افراد ملبے میں دب گئے۔ امدادی کارکنوں اور مقامی افراد نے ابتدائی طور پر سو سے زائد لاشوں کو نکال کر اسپتال منتقل کیا جبکہ خواتین اوربچوں سمیت کئی زخمیوں کو اسپتال پہنچایا۔
اُدھر صیہونی فوج نے غزہ میں وحشیانہ حملوں کا سلسلہ جاری رکھا۔ صیہونی فوج نے رفح۔ الزوائدہ۔الزیتون سمیت کئی علاقوں میں رہائشی عمارتوں کو نشانہ بنایا۔ ادھر جنگی طیاروں نے غزہ شہر میں القدس اسپتال کے قریب بھی بم برسائے۔ ان حملوں میں سو کے قریب شہید اور متعدد زخمی ہوئے۔
دوسری جانب زمینی لڑائی میں صیہونی فوج کو سخت مزاحمت کا سامنا ہے۔ حماس نے جنوبی غزہ میں صیہونی افواج پر ٹینک شکن میزائل سےحملہ کیا جس سےتین اسرائیلی ٹینک۔چھ بکتربند گاڑیاں اور بلڈوزر تباہ ہوگئے۔ مزاحمت کاروں نے شمال مغربی غزہ میں بھی صیہونی فوج کو ال یاسین میزائلوں سے نشانہ بنایا۔ حماس نے پہلی بار زمین سے فضا میں مارکرنیوالا میزائل استعمال کیا۔
