یمنی فوج کا امریکی جنگی جہاز پر بیلسٹک میزائل سے حملہ

صنعا: یمنی فوج نے امریکی جنگی جہاز کو بیلسٹک میزائل سے نشانہ بنایا۔ امریکی جہاز ناروے میں رجسٹرڈ دو جہازوں کو اپنی حفاظت میں لیکر آبنائے باب المندب سے شمال کی طرف جا رہا تھا۔ امریکی بحریہ کا کہنا ہے کہ وزارت دفاع کے لیے کارگو سروسز دینے والے میرسک کے دو جہازوں کو امریکی بحریہ نے میزائل حملے سے بچا لیا یے۔ اور انہیں خلیج عدن تک امریکی بحریہ نے اپنے حفاظتی حصار میں پہنچایا ہے۔ میزائل حملوں کا واقعہ باب المندب کے نزدیک پیش آیا ہے۔ شپنگ کمپنی میرسک نے کہا کہ دونوں بحری جہازوں کو کوئی نقصان نہیں پہنچا اور ان کا عملہ بھی محفوظ ہے۔ ایک میزائل سمندر میں گرا جبکہ دو کو فضا میں تباہ کردیا گیا۔