Raza Musani 
اسلام آباد: وفاقی وزیر داخلہ شیخ رشید احمد بین الاقوامی شہرت یافتہ خطیب اہل بیتؑ علامہ سید شہنشاہ حسین نقوی کی مجلس عزا میں شریک ہوئے اور ان کے خیالات اور نظریات سن کر گرویدہ ہوگئے، وزیر داخلہ جی سکس ٹو اسلام آباد کی مرکزی جامع مسجد اثناءعشری میں ڈائریکٹر پی ٹی وی شہید سید عون محمد رضوی کی برسی کی مجلس میں پہنچے اور علامہ شہنشاہ حسین نقوی کا خطاب سنا، وہ علامہ کے اتحاد بین المسلمین کے نظریات سن کر بہت خوش ہوئے اور کہا کہ انہوں نے پہلی بار علامہ شہنشاہ حسین نقوی کی گفتگو سنی ہے جس سے وہ بے انتہا متاثر ہوئے ہیں، انہوں نے اتحاد بین المسلمین کے لئے جو راہ حل پیش کیا ہے اس نے مجھےان کا گرویدہ بنا دیا ہے، میری تو خواہش ہے کہ محرم الحرام کے دس روز تک مسلسل علامہ شہنشاہ حسین نقوی کو اسی موضوع پر گفتگو کا موقع دیا جائے۔
