امریکہ مشرق وسطیٰ میں تنازعات کا ذمہ دار ہے، روس

ماسکو: روس کے وزیرخارجہ سرگئی لاروف نے امریکہ کو مشرق وسطیٰ میں تنازعات کا ذمہ دار قرار دے دیا ہے۔ روسی وزیرخارجہ نے روسی پالیسی بیان جاری کرتے ہوئے کہا کہ امریکہ مشرق وسطیٰ میں تنازعات پھیلا رہا ہے۔یمن پر حملے کے نتائج انتہائی نقصان دہ ہیں۔ امریکہ نے عالمی تجارت کو بحیرہ احمر میں مشکل بنادیا ہے۔جس سے دنیا میں مہنگائی اور معاشی تباہی کا نیا طوفان آسکتا ہے۔ شام میں اسرائیلی حملوں کی پشت پناہی کرنے پر بھی روسی وزیرخارجہ نے امریکہ کو ہدف بناتے ہوئے کہا کہ اسرائیل محاذ کھول رہا ہے اور امریکہ اس کی مدد کررہا ہے لیکن اگر آگ بھڑکی تو اس کی تپش واشنگٹن تک محسوس کی جائے گی۔ روس مشرق وسطیٰ میں قیام امن اور آزاد و خودمختار فلسطینی ریاست کے قیام کا حامی ہے اور اس کے لیے تعاون جاری رکھے گا۔