Raza Musani 
اسلام آباد : وفاقی وزیر مذہبی امور ڈاکٹر نورالحق قادری نے رویت ہلال کو اپنا سب سے بڑا مسئلہ قرار دیتے ہوئے سعودی عرب کے ساتھ ماہ رمضان اور عید منانے کی تجویز دیدی. سینیٹ کی قائمہ کمیٹی برائے مذہبی امور کے اجلاس میں وفاقی وزیر نے بتایا کہ مفتی منیب الرحمن اور مفتی شہاب الدین پوپلزئی کی دو ملاقاتیں کروائیں مگر نتیجہ کچھ نہ نکلا موجودہ رویت ہلال کمیٹی کی بھی مفتی شہاب الدین پوپلزئی سے ملاقاتیں کروائی ہیں مگر اس کا بھی کوئی نتیجہ نہیں نکلا پیر نورالحق قادری نے کہا کہ ہم نے تو سعودی عرب کے ساتھ عید منانے کی تجویز دی تھی لیکن بریلوی اور شیعہ مسالک سعودی عرب کے ساتھ عید اور روزہ رکھنے کو تیار نہیں۔ دیوبند مکتبہ فکر آدھا تیار ہے آدھا تیار نہیں صرف اہلحدیث مسلک رضامند ہے. انہوں نے کہا کہ میں وزیر ہوتے ہوئے سرکاری رویت ہلال کمیٹی کے اعلان کا انتظار کررہا تھاجبکہ گھر والوں نے روزہ رکھا ہوا تھا ۔ میری تو اب بھی تجویز ہے کہ سعودی عرب کے ساتھ روزہ عید کے لئے دونوں ممالک کے درمیان کوئی نظام بنا دیا جائے.
