Raza Musani 
تہران: فرانس کے صدر ایمانوئل میکرون نے صدر رئیسی سے ٹیلفونک رابطہ کیا، دونوں سربراہان مملکت نے مختلف امور پر تبادلہ خیال کیا۔ صدر رئیسی کے دفتر کے معاون محمد جمشیدی نے کہا ہے کہ فرانسیسی صدر میکرون نے ایرانی صدر آیت اللہ ابراہیم رئیسی سے ٹیلفون پر رابطہ کیا اور دونوں نے ڈیڑھ گھنٹے گفتگو کی۔ گفتگو کے دوران فرانس کے صدر نے تاکید کی کہ فرانس ایران کے ساتھ بہتر تعلقات چاہتا ہے۔ دونوں سربراہان مملکت نے خطے کے حالات کے علاوہ ایران پر عائد پابندیوں کے خاتمے کے حوالے سے گفتگو کی اور دونوں ملکوں کے درمیان بہتر تعلقات کی ضرورت پر زور دیا۔
