Raza Musani 
اسلام آباد : اسلامی تعاون تنظیم کے نمائندہ خصوصی یوسف الدوبے نے کہا کہ ان کا 5 روزہ دورہ کافی مفید رہا اور وہ کشمیر کی صورت حال سے متعلق ایک تفصیلی رپورٹ مرتب کریں گے۔ اسلام آباد میں وزیرخارجہ شاہ محمود قریشی کے ساتھ پریس کانفرنس کرتے ہوئے یوسف الدوبے نے کہا کہ ہمارا اس دورے پر آنے کا مقصد یہ تھا کہ ہم حالات کو دیکھ سکیں اور کشمیر کے لوگوں کے مسائل کو سمجھ سکیں۔ کشمیر کے حوالے سے ہمارا موقف واضح ہے۔ ہم نے انڈیا سے رابطہ کیا اور جدہ میں انڈیا کے سفیر کو ایک خط دے کر انڈین زیر انتظام کشمیر کے دورے کی خواہش کے بارے میں بتایا۔ ہم کوشش کر رہے ہیں کہ ہمیں انڈیا کے زیر انتظام کشمیر کا دورہ کرنے کی اجازت ملے اور ہم خود وہاں جا کر حالات دیکھ سکیں۔ امید ہیں کہ آئندہ وزرائے خارجہ کی کانفرنس میں اس معاملے پیش رفت ہو گی۔ وزیر خارجہ شاہ محمود قریشی نے کہا کہ میں نے او آئی سی کے نمائندہ خصوصی یوسف پاکستان کے الدوبے کو کشمیر کی صورت حال سے آگاہ کیا اور ان کی خدمت میں کچھ تجاویز بھی پیش کی ہیں۔
