برطانیہ میں ٹینکر ڈرائیورز کی کمی پیٹرول کا بحران شدت اختیار کرگیا

لندن: برطانیہ میں ٹینکر ڈرائیوروں کی کمی کا بحران شدت اختیار کرتا جارہا ہے جس کے بعد وہاں پر پٹرول کی سپلائی میں خلل کو دور کرنے کے لئے فوج کی مدد حاصل کرنے کی تجویز دے دی گئی ہے برطانوی میڈیا رپورٹس کے مطابق گزشتہ چند روز سے لندن سمیت انگلینڈ کے مختلف حصوں میں پٹرول پمپوں پر گاڑیوں کی میلوں لمبی قطاریں دیکھنے کو مل رہی ہیں جس کی وجہ سے پیٹرول کی سپلائی میں خلل کے باعث وہاں پر بحران پیدا ہونے کا خدشہ ظاہر کیا گیا ہے جبکہ پیٹرول نہ ملنے کے خدشے سے پیش نظر لوگوں نے زیادہ مقدار میں خریدنا شروع کردیا ہے وزیر اعظم بورس جانسن کی حکومت کے وزراء مسلسل اس بات پر زور دے رہے ہیں کہ ملک میں پٹرول کی کوئی کمی نہیں صرف وقتی طور پر پٹرول پمپوں تک تیل کی ترسیل ٹینکر ڈرائیوروں کی کمی کی وجہ سے متاثر ہو رہی ہے میڈیا کے مطابق تقریباً تمام اخبارات میں یہ خبریں شائع ہوئی ہیں کہ اس بحران سے نمٹنے کے لیے فوج کی مدد طلب کرنے کی تجویز پر غور کیا جارہا ہے جبکہ ایک وزیر نے اس خبر کی تردید کی ہے کہ حکومت ٹینکر چلانے کے لیے فوج بلا رہی ہے انگلینڈ کے وزیراعظم بورس جانسن کی کابینہ کے وزیر کی تردید کے باوجود بعض اخبارات نے کہا ہے کہ جانسن اور ان کی کابینہ کے چند سینئر وزرا اس تجویز پر سنجیدگی سے غور کر رہے ہیں۔